Ոչ հանձնաժողովի նիստ եք նայել, ոչ էլ լիովին ծանոթացել եք նախագծի բովանդակությանը։ Նման կերպ այսօր՝ հունիսի 2-ին ԱԺ նիստին ԲՀԿ-ական Սերգեյ Բագրատյանին ԱԺ ամբիոնից դիմեց «Իմ քայլը» խմբակցության անդամ Համազասպ Դանիելյանը՝ անդրադառնալով նրա ելույթին, որ
«Ես զարմանում եմ՝ մեկ մեկ սրությո՞ւն է ձեզ պակասում, ադրենալինի պակա՞ս կա։ Խոսեցիք մի բանի մասին, որ մասամբ եք ծանոթացել ու գնացիք, ձեր տեղը նստեցիք։ Միգուցե երկար աշխատելը այսպիսի էֆեկտներ է առաջացնում, բայց հենց երկար աշխատելու համար եկեք հանգիստ աշխատենք»,- նշեց նա։
Դանիելյանի ելույթը պարբերաբար տեղից խոսքով ընդհատում էր Բագրատյանը, ինչը վրդովեցրեց պատգամավորին։
«Կուզե՞ք՝ ես նստեմ, եկեք իմ տեղը խոսեք»,- ասաց նա։
Հիշեցնենք, որ Սերգեյ Բագրատյանը ԱԺ-ում Քաղաքացիական օրենսգրքում փոփոխություններ եւ լրացումներ կատարելու մասին օրինագծի քննարկման ժամանակ հայտարարել էր, որ նախագծում թերություններ կան։