Կիբերանվտանգության մասնագետները AppStore-ում խաբեբայական VPN հավելվածներ են հայտնաբերել: Այս մասին նշվում է Avast ընկերության մամուլի հաղորդագրության մեջ, փոխանցում է «Գազետա»-ն:
Հավելվածներում անվճար փորձաշրջան եւ հետագայում վճարովի բաժանորդագրությամբ հնարքը է օգտագործվում: Ընդ որում, բաժանորդագրությունը չի դադարեցվի, նույնիսկ եթե օգտատերը ջնջի հավելվածը:
«Օգտատերերից անհեթեթ գումարներ են գանձվում գործառույթների շաբաթական, ամսական կամ տարեկան բաժանորդագրության համար, որոնք պետք է շատ ավելի էժան լինեն»,- պարզաբանել են փորձագետները:
Avast-ում ընդգծել են, որ այդպիսի հավելվածները ստուգման ընթացակարգեր են անցնում, որոնք գոյություն ունեն պաշտոնական խանութներում: Դրանք նաեւ բարձր գնահատականներ եւ դրական արձագանքներ ունեն, որոնք շատ հաճախ կեղծ են:
«Սա ցույց է տալիս, թե որքան կարեւոր է ուսումնասիրել VPN հավելվածները նախքան դրանք տեղադրելը, այդ թվում՝ տեղեկությունները մշակողների մասին, նրանց հեղինակության եւ այլ արտադրանքների մասին»,- եզրափակել են ընկերությունում:
Ավելի վաղ փորձագետները նախազգուշացրել էին WhatsApp օգտագործմամբ խարդախության նոր սխեմայի մասին. չարամիտները որպես օգնության ծառայություն էին ներկայանում՝ օգտատիրոջ էջ մուտք գործելու համար: