Երեւանի «Սուրբ Աստվածամայր» ԲԿ ֆեյսբուքյան էջում տեսանյութ է հրապարակել Գյումրիում դաժան ծեծից տուժած 13-ամյա աղջնակի դեպքի վերաբերյալ, որին այսօր կենտրոնից ճանապարհել են Գյումրի։ Տեսանյութում երեւում է, որ երեխային տուն տանելու է եկել նրա հորաքույրը, որն այսուհետեւ կզբաղվի աղջնակի խնամքով։
«Գյումրիում դաժան ծեծի ենթարկված 13-ամյա աղջնակի խնամատարությունը ստանձնեց հորաքույրը:
«Սուրբ Աստվածամայր» ԲԿ-ի անձնակազմն այսօր հրաժեշտ տվեց լիարժեք առողջացած Նազելիին: Երեք դժվար ամիսներից հետո աղջնակը վերադառնում է հայրենի Գյումրի:
Աղջկա հորաքույրն իր շնորհակալությունը հայտնեց բժշկական ողջ թիմին ու անձնակազմի մյուս անդամներին` Նազելիին երկրորդ կյանք նվիրելու համար»,- ասված է տեսանյութին կից արված գրառման մեջ: