Ես չէի կարող մտածել, որ մեր այսքան հորդորներից լինի լուր, որ կորոնավիրուս չկա եւ դա տարածվի. հիմա մենք այդ լուրի պտուղները քաղում ենք ամեն օր: Այս մասին, այսօր՝ հունիսի 6-ին, պարետատան նիստից հետո կայացած ճեպազրույցի ժամանակ նշեց ՀՀ վարչապետ Նիկոլ Փաշինյանը:
«Ասում են՝ սուտ ա, չկա կորոնավիրուս, կառավարությունը թվեր է հրապարակում, որ օգնություն ուզի, թե չէ մեր կառավարությունն էլ տենց օգնություն ուզող կառավարություն է, եթե դրա կարիքը չլինի:
Իհարկե, կորոնավիրուսի մասին շատ բաներ նոր ենք իմացել, բայց մեզ համար շատ օգտակար կլիներ, որ մեր հասարակության կողմից կորոնավիրուսի հանդեպ այս վերաբերմունքի մասին տեղեկությունն ավելի շուտ իմանայինք: Չնայած եթե ավելի շուտ իմանայինք, էլի այս խոսակցությունը պետք է վարեինք, ի՞նչ պետք է անեինք: Եթե այն ժամանակ արդյունք կտար, դա արդյունք կտա նաեւ հիմա: Մենք դժոխք արդեն մտել ենք, բայց հումանիտար աղետի չենք հասել: Մենք կարող ենք այդ դժոխքի միջով անցնել, բայց առանց հումանիտար աղետի»,-ընդգծեց Փաշինյանը: