Շենգավիթ համայնքում այսօր` հունիսի 7-ին, ոստիկանները բերման են ենթարկել մի երիտասարդի, ով դիմակ չի կրել: Մինչ բերման ենթարկելը վիճաբանություն է սկսվել ոստիկանների եւ երիտասարդի հարազատների միջեւ:
NEWS.am-ի հետ զրույցում բերման ենթարկվող երիտասարդը պնդել է, որ իր դիմակը պոկվել է եւ ինքը թաշկինակով է բերանը փակել, որպեսզի դեղատնից նոր դիմակ կրի:
«Մասկես ընկել էր, կտորը դրել էի բերանիս, քանի որ չէի հասել ապտեկա, եկել տանում են բաժին»,-ասաց նա:
Ոստիկանության աշխատակիցն էր հակառակն էր պնդում, որ երիտասարդը դիմակ չի ունեցել եւ իրենք մոտեցել են` պարզելու համար, թե ինչու դիմակ չի կրում:
Չնայած երիտասարդի հարազատների պնդումներին, ոստիկանության աշխատակիցները նրան բերման ենթարկեցին Ոստիկանության Շենգավիթի բաժին: