Հայաստանի հանրային հեռուստաընկերությանը հայտնի հայատյաց Նավալնուն եթեր տրամադրելը «թքել է քամուն հակառակ», լավ մտածված հակահայկական ակցիա, որի նպատակն է կասկածի տակ դնել հայերի ստեղծարար դերը Ռուսաստանի կյանքում, ինչպես նաեւ՝ ռուս-հայկական դաշնակցային հարաբերությունները: Այս մասին ասված է Ռուսաստանի հայերի միության (ՌՀՄ) հայտարարության մեջ:
Ռուսաստանի հայերի միությունն ակտիվ մասնակցություն է ունեցել Ռուսաստանի Դաշնության Սահմանադրության մեջ փոփոխությունների հետ կապված գործընթացներին դեռ դրանց քննարկման փուլում, եւ Ռուսաստանի հայերի ճնշող մեծամասնությանը, գիտակցելով, որ փոփոխությունները միտված են Ռուսաստանի Դաշնության ամրապնդմանը եւ սոցիալ-տնտեսական իրավիճակի եւ Ռուսաստանի քաղաքացիների կյանքի բարելավմանը, այդ թվում՝ շուրջ 3 միլիոն էթնիկ հայերի, մասնակցել է համառուսաստանյան քվեարկությանը: Մեր կարծիքով՝ Հայաստանի ղեկավարությունը պետք է իր գնահատականը տա հարկատուների միջոցների հաշվին գոյություն ունեցող պետական հեռուստաալիքով հայատյաց Նավալնու հայտնվելուն (ով հայերին արհամարհականորեն «խաչիկներ» եւ այլն է անվանում), ով վերջերս «հայտնի» դարձավ նաեւ իր անպարկեշտ եւ վիրավորական արտահայտություններով Երկրորդ աշխարհամարտի վետերանի հասցեին: Հակառակ դեպքում, առաջնորդվելով այս տրամաբանությամբ, Հայաստանի հանրային հեռուստատեսությունը կարող է հասնել նրան, երբ իր եթերը կտրամադրի եւ կսկսի ըմբոշխնել եւ վայելել Ալիեւի հայատյաց հռետորաբանությունը։ Մենք վստահ ենք, որ նման սադրանքների պատվիրատուներին եւ կատարողներին, ովքեր արդարացիորեն դժգոհության փոթորիկ են առաջացրել Ռուսաստանի հայ համայնքում, չի հաջողվի հանրային գիտակցության մեջ արմատավորել հակառուսական հռետորաբանությունը եւ, առավել եւս, փոխել հայ-ռուսական բարեկամական եւ դաշնակցային հարաբերությունների զարգացման վեկտորը: