Ռուս ուղղափառ եկեղեցում շարունակում են մեկնաբանել Ստամբուլի Սուրբ Սոֆիայի տաճարը մզկիթի վերածելու Թուրքիայի իշխանությունների մտադրությունը, հայտնում է MK-ն:
«Չի կարելի այժմ վերադառնալ միջնադարի ժամանակներին»,- ասել է Մոսկվայի պատրիարքարանի արտաքին եկեղեցական կապերի բաժնի ղեկավար մետրոպոլիտ Իլարիոնը։
«Ռոսիա 24» հեռուստաալիքի եթերում նա նշել է, որ մենք ապրում ենք բազմաբեւեռ եւ բազմահավատք աշխարհում: Սա նշանակում է, որ «պետք է հարգանքով վերաբերել հավատացյալների զգացմունքներին»:
Հուլիսի 2-ին Թուրքիայի Գերագույն դատարանը որոշել է, որ Սուրբ Սոֆիայի կարգավիճակը կարող է փոխվել: Հունիսի սկզբին Թուրքիայի նախագահ Ռեջեփ Էրդողանը օգնականներին հանձնարարել էր ուսումնասիրություն կատարել՝ Ստամբուլում Սուրբ Սոֆիայի տաճարը, որն այժմ թանգարան է, պաշտոնական մզկիթի վերածելու համար։