Հաջորդ մի քանի օրերը վճռական նշանակություն կունենան՝ հնարավոր ճգնաժամը կանխելու նպատակով Թուրքիայի նկատմամբ ԵՄ-ի եւ ԱՄՆ-ի կողմից ձեռնարկվող նախաձեռնությունների եւ կոնկրետ գործողությունների առումով: Այս մասին Kathimerini-ին տված հարցազրույցում հայտարել է Կիպրոսի նախագահ Նիկոս Անաստասիադեսը:
Ըստ նրա՝ Նիկոսիան աղետալի սցենարի փոխարեն ընտրում է դիվանագիտությունը, միջազգային իրավունքի զենքը եւ Կիպրոսի որպես ԵՄ անդամ պետություն կարգավիճակը, ինչը թելադրված է հայրենասիրական ռեալիզմով եւ ռացիոնալիզմով, այլ ոչ թե՝ դատարկ կարգախոսների հռետորաբանությամբ:
«Բացի այդ թուրքական ներխուժումից ի վեր Կիպրոսի եւ Հունաստանի համապատասխան կառավարությունների, ինչպես նաեւ բոլոր քաղաքական ուժերի միաձայն դիրքորոշումն այն էր, որ Կիպրոսի խնդրի լուծմանը հնարավոր չէ հասնել ռազմական ճանապարհով: «Մենք կարող ենք չընտրենք ռազմականացում, եւ դա ճիշտ է, բայց մենք երբեք չենք հրաժարվել մեր պաշտպանության ամրապնդումից»:
Նա նշել է, որ ինչպես Հունաստանի եւ Կիպրոսի կառավարությունների ինտենսիվ դիվանագիտական ջանքերը մոբիլիզացրել են ինչպես Եվրոպայի, այնպես էլ Միացյալ Նահանգների շահերն ու խնդիրները: Հաջորդ մի քանի օրը վճռական են հնարավոր ճգնաժամի կանխմանն ուղղված ԵՄ եւ ԱՄՆ նախաձեռնությունների համար։
Նրա կարծիքով՝ Թուրքիան մեծացրել է իր դերը Լիբիայում․ «Կասկած չկա, որ Թուրքիան, խախտելով միջազգային իրավունքը, ձգտում է ամրապնդել իր դիրքերը Լիբիայում եւ առաջ անցնել այդ երկրում զգալի հետաքրքրություններ ունեցողներից: Չեմ կարծում, որ Ֆրանսիայի արձագանքը պատահական է, բայց միեւնույն ժամանակ չեմ կարող չնշել այն փաստը, որ եթե Թուրքիան ավելացրել է իր դերը եւ առավելություն է ստացե; Լիբիայում, ապա դա հենց ԵՄ-ի՝ վճռական քաղաքականություն վարել չկարողանալու պատճառով է: Մենք եվրոպական պատժամիջոցներ էին ակնկալում, որոնք էական ազդեցություն կունենային Թուրքիայի վրա դեռ մեկ տարի առաջ, բայց դա տեղի չունեցավ »:
«Հաշվի առնելով այն դյուրինությունը, որով ԵՄ-ն պատժամիջոցներ է կիրառել Ռուսաստանի նկատմամբ, այն չի կարող շարունակել հետեւել, թե ինչպես են ուժեղանում Թուրքիայի սպառնալիքները, որոնք ավելացնում են ճգնաժամի վտանգը: Այն չի կարող անտարբեր մնալ մի երկրի գործողությունների նկատմամբ որը անդամակցության թեկնածու է եւ վնաս է հասցնում երկու անդամ պետություններին: Ուստի մենք հետագա պատժամիջոցներ ենք ակնկալում ԵՄ-ից»: