Բելառուսի նախագահ Ալեքսանդր Լուկաշենկոն հեռախոսազրույց է ունեցել Ղազախստանի առաջին նախագահ Նուրսուլթան Նազարբաեւի հետ եւ նրան հրավիրել Մինսկ՝ մասնակցելու ԵԱՏՄ գագաթնաժողովին, հաղորդում է «Բելթա»-ն՝ հղում անելով Բելառուսի նախագահի մամուլի ծառայությանը:
Լուկաշենկոն շնորհավորել է Նազարբաեւին 80-ամյակի կապակցությամբ, ինչպես նաեւ շնորհավորել հիվանդության հաղթահարման կապակցությամբ:
Լուկաշենկոն եւ Նազարբաեւը պայմանավորվել են մոտ ժամանակներս հանդիպել:
ԵԱՏՄ գագաթնաժողովը կանցկացվի հոկտեմբերին Միսնկում:
Կողմերը քննարկել են Բելառուսում եւ Ղազախստանում ընդհանուր իրավիճակը: Նազարբաեւն իր լավագույն մաղթանքներն է փոխանցել Բելառուսի ժողովրդին եւ աջակցություն հայտնել երկրի ղեկավարությանը: