«Ռոսկոսմոս»-ի ղեկավարի խորհրդական Իվան Սաֆրոնովը կասկածվում է ՆԱՏՕ-ի հատուկ ծառայություններից մեկի համար աշխատելու եւ ռազմատեխնիկական համագործակցության և Ռուսաստանի պաշտպանական արդյունաբերության մասին գաղտնի տեղեկություններ հաղորդելու մեջ, հայտնում է «ՌԻԱ Նովոստի»-ն՝ վկայակոչելով Ռուսաստանի Դաշնության ԱԴԾ-ի հաղորդագրությունը։
«Մոսկվայում ձերբակալվել է «Ռոսկոսմոս» պետական կորպորացիայի գլխավոր տնօրենի խորհրդական Իվան Իվանովիչ Սաֆրոնովը: Սաֆրոնովը, կատարելով ՆԱՏՕ-ի հատուկ ծառայություններից մեկի առաջադրանքները, հավաքել եւ տեղեկատվություն է փոխանցել դրա դրա ներկայացուցչին Ռուսաստանի Դաշնության՝ պետական գաղտնիք հանդիսացող ռազմատեխնիկական համագործակցության, պաշտպանության եւ անվտանգության մասին»,- նշվում է հաղորդագրության մեջ:
Քրեական գործը հարուցվել է «Պետական դավաճանություն հոդվածով»: Սաֆրոնովին սպառնում է մինչեւ 20 տարվա ազատազրկում:
Ինչպես հայտարարել են «Ռոսկոսմոս»-ում, Սաֆրոնովի կալանավորումը կապ չունի պետական կորպորացիայում նրա աշխատանքի հետ: Մինչեւ «Ռոսկոսմոս»-ում աշխատանքի ընդունվելը Սաֆրոնովն աշխատել է «Վեդոմոստի» եւ «Կոմերսանտ» թերթերում եւ զբաղվել է ռազմական եւ տիեզերական թեմաներով։