Բռնկված հրդեհն ավիրել է Կալիֆոռնիայում Կաթոլիկ եկեղեցու տանիքն ու ներքին հարդարման մեծ մասը․ տաճարը պատրաստվում էր նշել 250-ամյա հոբելյանը, դրանում անցկացվում էին վերականգնման աշխատանքներ, հաղորդում է Associated Press-ը։
Հրդեհի մասին ահազանգը ստացվել էր նախօրեին՝ 04:00-ին։ Դեպքի վայր ժամանած հրշեջները տեսել են շինության փայտե այրվող տանիքը։
Տարերքի դեմ պայքարել է 50 հրշեջ։ Սակայն, նրանց խոսքով, հրդեհն ավիրել է շինության տանիքը եւ ներքին հարդարանքի մեծ մասը՝ ներառյալ խորանը։
Հրդեհի պատճառը հետաքննվում է։
Տաճարը կառուցվել է իսպանական գաղութացման ժամանակ եւ հայտնի է նաեւ պատմության մութ էջերով, երբ քրիստոնեություն դավանել ստիպելու համար հնդկացիների նկատմամբ երբեմն կիրառվում էին կոշտ մեթոդներ։