Կորոնավիրուսով վարակման դեպքերի ամենաբարձր ցուցանիշ ունեցող 16 երկրներից Ֆրանսիա ժամանող ճանապարհորդները ստիպված կլինեն կորոնավիրուսի ախտորոշման թեստ հանձնել երկրի օդանավակայաններում եւ նավահանգիստներում, հայտնում է Associated Press- ը:
Դրական արդյունքներով անձինք ստիպված կլինեն 14-օրյա կարանտին անցնել։

Ֆրանսիան, մասնավորապես, փակել է օդային հաղորդակցությունը Միացյալ Նահանգների եւ Բրազիլիայի հետ՝ թույլ տալով երկիր մուտք գործել միայն հատուկ հանգամանքների դեպքում:

Գործակալությունը նշում է, որ սպասվող միջոցառման մասին հայտարարվել է հուլիսին վարչապետ Ժան Կաստեքսի կողմից:

Ըստ նրա հրամանագրի՝ Ֆրանսիա ժամանող անձինք պետք է նաեւ մեկնելուց ոչ շուտ, քան 72 ժամ առաջ անցած կորոնավիրուսի ախտորոշման թեստի բացասական արդյունքների մասին տեղեկանք ունենան։