Ադրբեջանի եւ Թուրքիայի զինված ուժերը Նախիջեւանում համատեղ լայնածավալ մարտավարական եւ թռիչքամարտավարական վարժանքներ են անցկացնում՝ մարտական կրակոցներով: Այս մասին հայտնում է ՏԱՍՍ-ը՝ վկայակոչելով ԱՀ ՊՆ մամուլի ծառայությանը:
«Զորավարժությունների սցենարի համաձայն՝ Նախիջեւանի Ինքնավար Հանրապետության եւ Թուրքիայի Հանրապետության Զինված ուժերի ուժային կոռույցների, առանձին համազորային բանակի ստորաբաժանումները մարտական պատրաստության լիարժեք վիճակի են բերվել ահազանգով դուրս են բերվել զորավարժությունների տարածք»,- նշվում է պաշտպանական գերատեսչության հաղորդագրության մեջ:
Զորարժությունների ընթացքում, որոնցում ներգրավված են մարտական ինքնաթիռներ, ռազմատրանսպորտային եւ հարվածային ուղղաթիռներ, ուսումնամարզական թռիչքներ են իրականացվել՝ բարձրագույն պիլոտաժի տարրերով: Զորավարժություններին մասնակցող զորքերի թիվը չի հաղորդվել: