RT-ի գլխավոր խմբագիր Մարգարիտա Սիմոնյանն իր ֆեյսբուքյան էջում կիսվել է Լենտա․Ռու ռուսական տեղեկատվական գործակալության հոդվածով Հայաստանի վարչապետ Նիկոլ Փաշինյանի՝ ՀՀ իշխանություններին ուղղված իր գրառման շուրջ արձագանքի մասին։ Նա նաեւ հրապարակել է հոդվածի վերջին պարբերությունը։

«Լենտա․Ռու-ն գրել է հոդված իմ այդ գրառման եւ դրա շուրջ Փաշինյանի արձագանքի մասին․

«Կարելի է վստահաբար ասել, որ քանի դեռ Հայաստանում առանցքային պաշտոնները կզբաղեցնեն ամերիկամետ ՀԿ-ների նախկին ներկայացուցիչները, այդ կովկասյան հանրապետությունը կստեղծի նոր լարվածության կետեր միջպետական հարաբերություններում, իսկ Մարգարիտա Սիմոնյանի գրառումը բարձրաձայնել է այդ խնդիրը պաշտոնական մակարդակում։ Եւ դրա շուրջ Փաշինյանի կողմից անմիջապես հնչած արձագանքը միայն ամրապնդում է այդ ենթադրությունը»,-գրել է Սիմոնյանը։