Կատալոնիայի ժեներալիտետի ղեկավար Քիմ Տորրան պահանջել է, որպեսզի Իսպանիայի թագավոր Ֆելիպե VI-ը հրաժարվի գահից նրա հոր՝ Խուան Կառլոսի «փախուստից» հետո, ով կոռուպցիայի մասին գործի ֆիգուրանտ է, հաղորդում է Europe Press-ը:
ԶԼՄ-ների տեղեկություններով՝ Խուան Կառլոսը լքել է Իսպանիան եւ այժմ Դոմինիկյան հանրապետությունում է:
Տորրան նաեւ պահանջել է, որպեսզի Իսպանիայի կառավարությունը բացատրի, թե ինչպես է թույլ տվել, նպաստել եւ ողջունել նրա փախուստը:
Խուան Կառլոսը հրաժարվել է գահից՝ ի օգուտ իր որդու 2014 թվականի հունիսին, սակայն պահպանել է թագավորի տիտղոսը:
Մարտին Ֆելիպե VI-ը որոշում է ընդունել հորը զրկել թագավորական տան բյուջեից, ինչպես նաեւ հրաժարվել է ժառանգությունից:
Հունիսի սկզբին Իսպանիայի Գերագույն դատարանի դատախազությունը հետաքննություն է սկսել Խուան Կառլոսի նկատմամբ՝ կապված Սաուդյան Արաբիայում երկաթուղային ճանապարհի կառուցման համար պայմանագրեր կնքելու հետ: ՔՆնությունը նաեւ փորձում է հաստատել Սաուդյան Արաբիայի թագավորի շրջապատի կողմից Խուան Կառլոսին կաշառք տալու փաստերը: