Եգիպտոսն ու Հունաստանը Արեւելյան Միջերկրածովում բացառիկ տնտեսական գոտի ստեղծելու մասին համաձայնագիր են կնքել: Այս մասին Կահիրեում Հունաստանի արտաքին գործերի նախարար Նիկոս Դենդիասի հետ համատեղ ասուլիսի ժամանակ ասել է Եգիպտոսի արտաքին գործերի նախարար Սամեհ Շոուքրին, հաղորդում է Reuters-ը:

Դենդիասի խոսքով՝ այդ համաձայնագիրը գտնվում է միջազգային իրավունքի շրջանակում, հարգում է միջազգային ու ծովային իրավունքի բոլոր սկզբունքներն ու նպաստում տարածաշրջանում անվտանգությանն ու կայունությանը: