Ադրբեջանի նախագահ Իլհամ Ալիեւի մամուլի ծառայությունն աղավաղել է Սերբիայի նախագահ Ալեքսանդր Վուչիչի խոսքը:
Հայ-ադրբեջանական սահմանին տեղի ունեցած վերջին միջադեպի հետ կապված Սերբիայի նախագահի մամուլի ծառայության հաղորդագրության մեջ ասվում է, որ Սերբիան կողմ է երկխոսության, ձեռքբերված համաձայնությունների հարգման միջոցով հակամարտության խաղաղ կարգավորմանը:
Իսկ ահա ադրբեջանական տարբերակում նշվում են Հայաստանի «սադրանքների», Հայաստանի կողմից այդ բախումներում Սերբիայի կողմից արտադրված զենքի կիրառման մասին: Ապա Վուչիչը, իբր, նշում է, որ այդ իրավիճակի հետաքննության համար մոտ ժամանակներս Ադրբեջան կուղարկի սերբական պատվիրակությանը:
Հիշեցնենք, որ Բաքվի եւ Բելգրադի հարաբերությունների պարզում սկսվեց ադրբեջանական կողմի նախաձեռնությամբ: Այսպես, ԶԼՄ-ներից մեկում նյութ հայտնվեց Հայաստանի կողմից սերբական արտադրության զենքի օգտագործման մասին: Անտեսելով այն փաստը, որ «մեծ եղբայր» Թուրքիան բացահայտ հայտարարում է Ադրբեջանին զինելու պատրաստակամության մասին՝ մոռանալով, որ ինքը սպառազինություն է գնում այլ երկրներից, ակտիվորեն օգտագործում է իսրայելական անօդաչուները, Ադրբեջանը փորձում է սպառնալիքներով եւ շանտաժով սերբական կողմին ստիպել հրաժարվել Հայաստանի հետ համագործակցությունից: Ակնհայտ է, որ դրան հասնելու համար Ադրբեջանը որեւէ մեթոդ չի խնայում: