Փաստաբան Միհրան Պողոսյանը ֆեյսբուքյան իր էջում գրում է.

«Սպառելով Հրայր Թովմասյանի սանիկների՝ ՀՀ պարետի որոշմամբ սահմանված թույլատրելի սահմանը՝ Հատուկ քննչական ծառայությունը սանիկներից սահուն անցում կատարեց Հրայր Թովմասյանի նախկին վարորդներին։

Ամեն դեպքում Հատուկ քննչական ծառայությանը կոչ ենք անում փորձել վերադառնալ օրենքի դաշտ՝ դադարեցնելով Հրայր Թովմասյանի անվան անհարկի շահարկումները։

Հ․Գ․ Դրան զուգահեռ համբերություն ենք մաղթում Հրայր Թովմասյանի նախկին ատամնաբույժին և ներկա վարսավիրին հատուկ քննչական ծառայության հետ սպասվող հարաբերություններում»։

Հրայր Թովմասյանի նախկին վարորդին մեղադրանք է առաջադրվել՝ 5 մլն դրամի հափշտակությանն օժանդակելու համար. ՀՔԾ