ԱՄՆ նախագահ Դոնալդ Թրամփը «WeChat սպառնալիքին դեմ պայքարի մասին» գործադիր հրամանագիր է ստորագրել՝ 45 օր սահմանելով ՉԺՀ-ից այս բջջային հավելվածի հետ կապված գործարքներն ավարտելու համար, հայտնում է «ՌԻԱ Նովոստի»-ն:
Արգելվում է «Tencent-ի հետ WeChat-ի հետ կապված ցանկացած գործարք», որը կատարվել է հրամանագիրը ստորագրելուց հետո 45 օր անց:
Մի քանի րոպե առաջ Սպիտակ տունը հայտարարել էր TikTok հավելվածի դեմ պայքարի նմանատիպ հրամանագրի ստորագրման մասին:
WeChat-ը ծրագիր է, որ համադրում է մեսենջերը, սոցիալական ցանցը եւ էլեկտրոնային վճարման ծրագիրը, որը մշակվել է չինական հաղորդակցական արդյունաբերական հսկա Tencent Holdings-ի կողմից: Դրա օգտատերերի թիվը գնահատվում է ավելի քան 1 միլիարդ: