ԱՄՆ-ն եւ արմատական թալիբները ռազմական կապի ալիք են ստեղծել տվյալների փոխանակման համար: Այս մասին հաղորդել է «ՌԻԱ Նովոստի»-ն` վկայակոչելով կազմակերպության քաղաքական գրասենյակի պաշտոնական ներկայացուցիչ Սուհեյլ Շահինին:
Ըստ նրա, եթե որեւէ խախտում է տեղի ունենում, թալիբները տեղեկացնում են ամերիկյան կողմին եւ հակառակը:
Այս տարվա փետրվարի վերջին ԱՄՆ-ն եւ «Թալիբան» արմատական աֆղանական շարժումն ավելի քան 18 տարվա պատերազմի ընթացքում առաջին անգամ խաղաղության համաձայնագիր էին ստորագրել:
Պայմանավորվածությունների համաձայն` ամերիկյան զորքերը պետք է հեռանան Աֆղանստանից գործարքի կնքումից 14 ամիս անց: Ներկայումս ՆԱՏՕ-ի զինծառայողներն արդեն լքել են հինգ բազաները, որոնք տեղակայված են աֆղանական տարածքում: