Դիփֆեյքերը դառնում են ավելի մատչելի, էժան եւ համոզիչ: Որպես օրինակ, թե որքան հեշտ է համացանցում ստանալ ցանկացած մարդու կեղծ պատկեր, FireEye-ի փորձագետները Թոմ Հենքսի կեղծ լուսանկարներն եւ աուդիո ձայնագրություններն են ստեղծել: Դրա համար բոլոր գործիքներն արդեն հանրային տիրույթում են, դրանք խորքային գիտելիքներ եւ լուրջ ծախսեր չեն պահանջում, գրում է HighTech +-ը:
FireEye ցանցի անվտանգության մասնագետները ստեղծել են դերասան Թոմ Հենքսի մի քանի կեղծ լուսանկար` ստուգելու, թե ինչպես կարելի է հեշտությամբ բաց կոդով ծրագրակազմը ծառայեցնել ապատեղեկատվական արշավներին: Եզրակացությունը, որն հնչեցրել է FireEye-ի դաթոլոգ Ֆիլիպ Թուլինը, հետեւյալն է.
«Մեծ փորձ չունեցող մարդիկ կարող են վերցնել մեքենայական ուսուցման մոդելները եւ շատ լուրջ բաներ անել դրանց օգնությամբ»:
Եթե ուշադիր նայեք Թոմ Հենքսի «լուսանկարներին», ապա անբնական ծալքեր կնկատեք պարանոցի վրա եւ մաշկի տեսքտուրայում: Սակայն դերասանի ծանոթ դեմքի հատկությունները ճշգրիտ կերպով վերարտադրվել են: Եթե նման պատկերը տեղադրել սոցիալական ցանցում, ապա այն հեշտությամբ կարող է որպես իրական ընկալվել, գրում է Wired UK-ն:
Կեղծ պատկեր ստեղծելու համար Թալիին անհրաժեշտ էր միայն հավաքել Հենքսի մի քանի հարյուր պատկեր եւ մոտ 100 դոլար ծախսել պատկերի ստեղծման ծրագիրը` անցյալ տարի թողարկված Nvidia համակարգը վարձելու համար:
Մշակողը նաեւ օգտագործել է այլ բաց ԱԻ-ի հավելվածներ` ընդօրինակելու դերասանի ձայնը YouTube- ում տեղադրված տեսահոլովակներից: Այս դեպքում արդյունքները պակաս տպավորիչ էին, բայց դա միայն դեռ. ձայնային սիմուլյացիայի ալգորիթմներն ընդամենը մի փոքր դանդաղ են զարգանում, քան կեղծ պատկերի գեներատորները: