Բելառուսի իրավապահ մարմինների ստորաբաժանումները երկուշաբթի երեկոյան սկսել են ցրել Մինսկի կենտրոնում հավաքված մի քանի հազար ցուցարարներին: Բողոքի ցույցի մասնակիցները երկու կողմից սեղմվել են անվտանգության ուժերի կողմից, որից հետո ամբոխը սկսել է ցրվել մոտակա բակեր:
Լսվում են գոռոցներ ու լուսաձայնային նռնակների պայթյուններ: Դեպքի վայր են մեկնել Բելառուսի ներքին զորքերի ստորաբաժանումները: Ցուցարարների ակտիվ ձերբակալությունները շարունակվում են, հայտնում է ՏԱՍՍ-ը:
Բելառուսական Բրեստ քաղաքում ոստիկանների եւ նախագահական ընտրությունների արդյունքների դեմ բողոքող ցուցարարների միջեւ սկսվել են բախումներ, հայտնում է Sputnik Belarus-ը:
Գործակալության տվյալներով՝ անվտանգության ուժերի հետ առճակատումը սկսվել է Մաշերովի պողոտայի եւ Տիեզերագնացների պուրակի խաչմերուկում:
«Ոստիկանները լուսաձայնային նռնակներ են պայթեցնում, ի պատասխան՝ ցուցարարները շշեր եւ աղբարկղեր են նետում իրավապահների ուղղությամբ: Մարդիկ հարձակվում են իրավապահների վրա, աշխատակիցները վահաններով են պաշտպանվում»,- ասվում է գործակալության Telegram-ալիքի հաղորդագրության մեջ:
Բրեստում բողոքի ցույցի մասնակիցները պողոտայի վրա տեղադրված նստարաններից բարիկադներ են կառուցել եւ կանգնած են դրանց հետեւում: Ինչ-որ մեկը քանդել է նստարանները՝ փայտե մասերը որպես զենք են օգտագործվում, իսկ բետոնե մասերը դրվել են բարիկադների վրա:
Ռուսական լրատվամիջոցները հայտնում են նաեւ Գրոդնոյում բողոքի ցույցերը ցրելու մասին:
Նշենք, որ բելառուսական լրատվական կայքերի մեծ մասը կրկին անհասանելի է:
Протесты в Минске на улице Кальварийской.
— TUT.BY (@tutby) August 10, 2020
Люди прячутся от силовиков в ТЦ «Корона». Протестующие берутся в сцепку и кричат «Милиция с народом!».
Люди в военной форме с автоматами, в амуниции с большими рюкзаками. Их здесь около сотни.
Силовики пустили газ. pic.twitter.com/u8Z744BaHg