«Ռուսաստանի փոստը» վերադարձել է սեփական ավիաընկերությունը ստեղծելու ծրագրերին, հաղորդում է «Կոմերսանտ»-ը:
Պետգնումների պորտալի տվյալները վկայում են, որ օգոստոսի 3-ին «Ռուսաստանի փոստը» 48 մլն ռուբլու չափով պայմանագիր է կնքել SBS Consulting քոնսալթինգային ընկերության հետ՝ սեփական ավիաընկերությունը ստեղծելու առաջարկների մշակման համար:
Մինչեւ սեպտեմբերի 1-ը կատարողը կվերլուծի ավիացիոն բեռնափոխադրումների շուկան Ռուսաստանում եւ արտասահմանում, կհամեմատի հայրենական եւ արտասահմանյան բեռնափոխադրող ինքնաթիռներն ու ավիաընկերություն ստեղծելու ֆինանսատնտեսական հիմք կմշակի:
Ավիաընկերություն ստեղծելու ծրագրերի մասին «Ռուսաստանի փոստը» հայտարարել էր դեռ 2017 թվականի հունիսին:
«Ռուսաստանի փոստն» արդեն ունի երկու բեռնափոխադրող Տու-204C: «ՌԲԿ»-ին տված հարցազրույցում ընկերության գործադիր տնօրեն Մաքսիմ Ակիմովն ասել է, որ ծրագրվում է ինքնաթիռների թիվն ավելացնել եւս 7-ով:
2018 թվականին ընկերությունն իրականացրել է 345 մլն միջազգային բեռնափոխադրումներ, իսկ 2019 թվականին չի զեկուցել քանակի մասին, սակայն հայտնել է տարողության 9% աճի մասին՝ մինչեւ 60 000 տոննա:
Համաշխարհային ավիաշուկայում այժմ մասշտաբային ճգնաժամ է՝ կապված պանդեմիայի պատճառով ուղեւորափոխադրումների դադարեցման հետ: Տուժել է նաեւ բեռնափոխադրումների շուկան: