ՀՀ երկրորդ նախագահ Ռոբերտ Քոչարյանի եւ մյուսների դեմ գործի քննությունն ի սկզբանե ուղեկցվում է բոլոր տեսակի խախտումներով: Այս մասին լրագրողների հետ զրույցում հայտարարեց փաստաբան Արամ Վարդեւանյանը:
Ինչպես փաստաբանն ընդգծել է, քննությունը մեղավոր է դատաքննության ձգձգման մեջ, որը գործի 80 հատոր է ուղարկել դատարան: Ավելին, քննիչն ինքն է խոստովանում, որ ընտրվել են միայն մեղադրական բնույթի նյութեր: Փաստաբաններին չի թույլատրվում ծանոթանալ մնացած նյութերի հետ:
Ինչ վերաբերում է գործի հետաձգման համար մեղադրանքներին, փաստաբանը հիշեցրեց, որ մարտ-ապրիլ ամիսների ընթացքում պաշտպանական կողմը ընդհանրապես տեղեկություն չուներ դատավորի գտնվելու վայրի եւ լսումների հետաձգման պատճառների վերաբերյալ:
«Եթե խնդիրն այն է, որ ինչ-որ մեկին կայծակնային լուծումներ են պետք, ապա աշխարհում այդպիսի բան չկա: Գործի մեծ ծավալը շատ ժամանակ է պահանջում: Ի սկզբանե գործն ուղեկցվում է տարբեր տեսակի խախտումներով»,- շեշտեց Արամ Վարդեւանյանը: