Բռնցքամարտի աշխարհի չեմպիոն Իսրայել Հակոբկոխյանը այսօր՝ օգոստոսի 12-ին, Գարեգին Նժդեհի արձանի մոտ անժամկետ հացադուլ է անում:
Իսրայել Հակոբկոխյանի հացադուլն ուղղված է ընդդեմ Ստամբուլյան կոնվենցիայի, Լանզարոտեյի կոնվենցիայի, Ամուլսարի շահագործման և այլ խնդիրների:
«Հացադուլ անելուս նպատակը մեր ազգի մասին մտահոգված բոլոր մարդկանց համախմբելն է, որ երկիրը կործանման չտանեն։ Այս մոլորակի վրա մի հայրենիք ունեմ ես: Չեմ ցանկանում, որ մեկը մյուսի նկատմամբ ատելությամբ լցվի, իշխանավորը հասարակ մարդուն հակադրվի: Երկու տարի առաջ իշխանության եկածները գոռում էին` ոստիկանը մերն է, բայց ոնց հասկանում եմ՝ ոստիկանը էլի մերն է, սակայն թուրքի ձեռն է, այնպես պետք է անենք, որ հայերի ձեռքում լինեն նրանք»,- ասաց նա:
Նա դժգոհում է այսօր երկրում ստեղծված իրավիճակից:
Ըստ նրա երկրուն տիրում է ատելության մթնոլորտ, որ Կառավարությունը միտված չէ օգնելու իր ժողովրդին:
«Ամեն օր Կառավարության շենքի դիմաց հավաքվում եմ բազմաթիվ մարդիկ, որոնց շնորհիվ եկավ այսօրվա իշխանությունը, բայց ո՞վ է այսօր լսում նրանց ձայնը:
Աշխարհում ամենադժվար բանը անհասկացողին բան բացատրելն է, հիմա ես էլ գնամ, կանգնեմ Կառավարության դիմաց, ո՞վ կգա իշխանավորներից ինձ հարցնի՝ ինչ խնդիր ունեմ ես. ոչ ոք»,- ասաց նա: