Հայաստանի պաշտպանության նախարարությունը տեղեկություններ չունի ադրբեջանցի զինծառայողի մահվան մասին:
«Ինչ վերաբերում է հակառակորդի զոհին, նման ինֆորմացիա չունենք, միաժամանակ մենք բազմիցս հայտարարել ենք, որ հայ-ադրբեջանական սահմանին ռիսկերի նվազեցման մեխանիզմների բացակայությունն անընդունելի է եւ նպաստում է լարվածությանը»,- ասաց ՀՀ պաշտպանության նախարարի մամուլի քարտուղար Շուշան Ստեփանյանը` NEWS.am-ի խնդրանքով մեկնաբանելով ադրբեջանական ԶԼՄ-ների հաղորդումները:
Դրանց տվյալներով` սեպտեմբերի 21-ի առավոտյան հայ-ադրբեջանական պետական սահմանին միջադեպի արդյունքում զոհվել է զինծառայող Էլշան Մամեդովը: