ԱՄՆ նախագահ Դոնալդ Թրամփը ծաղրել է իր դեմոկրատ մրցակից Զո Բայդենին դիմակ կրելու համար, հայտնում է The Hill-ը:

«Նրան դուր է գալիս դիմակը, եւ դա նորմալ է»,- ասել է Թրամփը Պիտսբուրգում կայացած հանրահավաքին: «Անկեղծ ասած, ինչու՞ է նա, սատանան տանի, ծախսել այդ ամբողջ գումարը պլաստիկ վիրահատությունների վրա, եթե դեմքը ծածկում է դիմակով»:

Մեկ շաբաթ անց` սեպտեմբերի 29-ին, Քլիվլենդում տեղի կունենա Թրամփ-Բայդեն առաջին դեբատը:

«Ես անհամբեր սպասում եմ Թրամփի հետ դեբատների բեմ դուրս գալու եւ նրան պատասխանատվության ենթարկելու հնարավորությանը: Կարծում եմ` ես գիտեմ, թե ինչպես պետք է վարվել խուլիգանների հետ»,- ասել է Բայդենը քարոզարշավի համար դրամահավաքի միջոցառման ժամանակ: