Լոռու մարզպետ Անդրեյ Ղուկասյանը կարծում է՝ ԲՀԿ-ն իրավունք չունի պահանջելու կառավարության 100 տոկոս հրաժարականը, քանի որ կայացած քաղաքական ուժ չի։
«Ցավոք սրտի, «Բարգավաճ Հայաստանին» չեմ համարում կայացած քաղաքական ուժ, համարում եմ մի անձի գումարի շուրջ հավաքված մարդկանց խումբ, որը, կարծում եմ, նման պահանջներ իրավունք չունի ներկայացնելու»,- այսօր՝ սեպտեմբերի 24-ին, ՔՊ-ի ընդլայնված նիստից առաջ լրագրողների հետ զրույցում նշեց մարզպետը։
Անդրեյ Ղուկասյանը նշեց, որ մարզպետի պաշտոնում իր անձի փոփոխություն լուրերից տեղյակ չի եւ բացառեց, որ Վանաձորի ընտրություններին կարող է քաղաքապետ առաջադրվել։