«Հարավկովկասյան երկաթուղի» ընկերությունը տեղեկացնում է, որ շարունակում է կանոնավոր կերպով իրականացնել ներմուծման եւ արտահանման հաղորդակցությունում բեռնափոխադրումները Հայաստանի եւ վրացական Փոթի եւ Բաթում նավահանգիստների միջեւ:
Ի հեճուկս հոկտեմբերի 6-ին՝ Հայաստանի եւ Վրաստանի սեւծովյան նավահանգիստների միջեւ բեռների փոխադրումների հետ կապված խնդիրների վերաբերյալ լրատվամիջոցների հրապարակումներին, ՀԿԵ-ն հայտնում է, որ ներմուծում եւ արտահանում է բեռները «Վրացական երկաթուղի» ընկերության հետ համատեղ՝ փոխադրումների հաստատված ժամանակացույցի եւ հայտերի համաձայն: