Կառավարության առաջարկած օրենսդրական նախաձեռնությամբ առաջարկվում է բանկերին եւ վարկային հաստատություններին հնարավորություն տալ առանց որեւէ հարկային հետեւանքի ներել այն անձանց վարկային պարտավորությունները, ովքեր զոհվել կամ հաշմանդամ են դարձել ռազմական գործողությունների արդյունքում: Այս մասին հայտարարեց Ազգային ժողովի արտահերթ նիստին Հարկային օրենսգրքում փոփոխություններ կատարելու մասին օրինագծի երկրորդ եւ վերջնական ընթերցմամբ քննարկման ժամանակ ասաց Հայաստանի ֆինանսների փոխնախարար Արման Պողոսյանը:
Բացի այդ, այս ֆինանսական արտոնությունները կտարածվեն նաեւ այն անձանց վրա, ովքեր անհայտ կորած են համարվում: Այս լրացումն առաջարկվել է Տնտեսական հարցերի մշտական խորհրդարանական հանձնաժողովի նիստի քննարկումների ժամանակ:
Նշենք, որ սեպտեմբերի 27-ին Ադրբեջանի զինված ուժերը, կոպտորեն խախտելով միջազգային մարդասիրական իրավունքի գոյություն ունեցող նորմերը եւ հակամարտության լուծման խաղաղ բանակցային գործընթացի տրամաբանությունը, հրթիռահրետանային զենքի եւ ավիացիայի կիրառմամբ հարձակման անցան շփման գծի ողջ երկայնքով`՝ թիրախավորելով Արցախի ՊԲ մարտական դիրքերը եւ խաղաղ բնակավայրերը: