Կիպրոսի, Հունաստանի եւ Եգիպտոսի միջեւ համագործակցությունն ուղղված է խաղաղության եւ կայունության ապահովմանը տարածաշրջանում` միջազգային իրավունքի հիման վրա: Այս մասին Նիկոսիայում կայացած եռակողմ գագաթնաժողովին հայտարարել է Կիպրոսի նախագահ Նիկոս Անաստասիադիսը` շեշտելով, որ այդ համագործակցությունն ուղղված չէ որեւէ երրորդ երկրի դեմ, փոխանցում է Kathimerini-ն:
Անաստասիադեսը նաեւ քննադատել է կիպրոսցի թուրքերի իշխանությունների կողմից վերջերս ընդունված որոշումը` 1974-ին թուրքական ներխուժումից հետո չեզոք տարածքում գտնվող նախկին լողափնյա Վարոշա քաղաքի մասամբ վերաբացման մասին:
«Թուրքիան թեժացնում է լարվածությունը մի շարք անօրինական գործողություններով»,- ասել է Անաստասիադիսը` կոչ անելով Անկարային հետեւել Կիպրոսի վերաբերյալ ՄԱԿ-ի բանաձեւերին: