«Հայաստան» համահայկական հիմնադրամի հեռուստամարաթոնը տեղի կունենա նոյեմբերի 26-ին: Այս մասին հոկտեմբերի 21-ին կայացած ճեպազրույցի ժամանակ ասաց հիմնադրամի գործադիր տնօրեն Հայկակ Արշամյանը:
Նա հավելեց, որ մինչ այդ կկազմակերպվի լրացուցիչ դրամահավաք:
«Բոլոր դրամական միջոցների օգտագործումը համակարգվում է Հայաստանի եւ Արցախի կառավարությունների հետ: Գումարը կուղղվի հումանիտար նպատակների: Սա հնարավորություն է տալիս երկու երկրների իշխանություններին պետական միջոցներն ուղղել այլ կարեւոր նպատակների: Ծախսված միջոցների մասին հաշվետվությունը կտրվի խաղաղ ժամանակ: Կոչ եմ անում կասկածի տակ չդնել պետական մարմինների աշխատանքը»,- ընդգծեց Արշամյանը: