Սաուդյան Արաբայում սուպերմարկետների ցանցերը միացել են թուրքական ապրանքների դեմ բոյկոտին, հաղորդում է AFP-ը:
Սաուդյան Արաբիան 15-րդ խոշորագույն արտահանման շուկան է Թուրքիայում, եւ երկիրը նաեւ տրանզիտային գոտի է թուրքական ապրանքների համար: Որոշ մանրածախ ցանցեր հայտարարել են կվաճառեն ապրանքներն այնքան ժամանակ, քանի դեռ կսպառվեն ընթացիկ պաշարները:
Բոյկոտը հիմնված է «ոչ»-ի երեք հիմնական սկզբունքների վրա՝ ոչ մի ներդրում, ներկրում եւ զբոսաշրջություն, եւ պատասխանն է Թուրքիայի պաշտոնատար անձանց հայտարարություններին սաուդցի լրագրող Ջամալ Խաշոգջիի սպանության գործի համատեքսում, որում կասկածվում են սաուդյան հետախուզության աշխատակիցները:
Արշավը մեկնարկել է սոցիալական ցանցերում եւ տարածվել բնակչության շրջանում, այնուհետեւ առեւտրի եւ արդյունաբերության ոլորտների տեղի պաշտոնյաները կոչ են արել սաուդցի քաղաքացիներին բոյկոտի ենթարկել թուրքական ներկրված ապրանքները: Թուրքիայում արտադրված միջազգային բրենդների ապրանքները նույնպես ենթարկվել են բոյկոտի, ինչը սպառնում է երկրում օտարերկրյա ներդրումներին:
Սաուդյան Արաբիայի կառավարությունը փորձում է հեռու մնալ բոյկոտից՝ խուսափելով օտարերկրացի ներդրողների վրդովմունքից եւ հավանականությունից, որ Թուրքիան կարող է բողոք ներկայացնել Առեւտրի համաշխարհային կազմակերպություն, հաղորդում է AFP-ը: Իշխանությունները հերքել են թուրքական արտադրանքի սահմանափակումներն ու պնդել, որ արշավը ղեկավարում են քաղաքացիները:
Ձեռներեցության ամերիկյան ինստիտուտի գիտական աշխատող Քարեն Յանգն անվանել է այդ արշավն «ինքնատիպ քաղաքական տեսարան»: «Այդ տակտիկան Սաուդյան Արաբիայի ներքին օգտագործման համար է, քաղաքացիներին ուղղված ազդանշանն այն մասին, թե ինչպես ընկալել եւ ստեղծել արտաքին հակառակորդին»,-ասել է նա:
Վաշինգտոնում Պարսից ծոցի Արաբական պետությունների ինստիտուտի գիտաշխատող Ռոբերտ Մոհելնիցկին համարում է, որ Թուրքիան կարող է ավելի շատ կորուստներ ունենալ կարճաժամկետ հեռանկարում երկկողմանի առեւտրային հարաբերություններում խափանումների պատճառով: Սակայն Սաուդյան Արաբիան պետք է զգուշորեն գործի, որպեսզի նվազագույնի հասցի իր հեղինակության հետ կապված ցանկացած խնդիրները, որոնք առնչվում են իր առեւտրային քաղաքականության համաշխարհային ընկալման հետ:
Սաուդյան Արաբիայի եւ Թուրքիայի միջեւ քաղաքական հարաբերությունները խոչընդոտում են Թուրքիայի՝ տարածաշրջանային մրցակից Քաթարին աջակցությունն ու 2018 թվականին Խաշոգջիի սպանությունը: Վերջերս Թուրքիայի դատական մարմինները սկսել են դատավարություն սպանության մեջ կասկածյալների նկատմամբ եւ կոչ արել Սաուդյան Արաբիային հանձնել նրանց: Սաուդյան Արաբիան եւ Թուրքիան նաեւ սատարում են Լիբիայում պատերազմում միմյանց հակազդող խմբավորումներին: