Սուդանն ու Իսրայելը կքննարկեն առեւտրի եւ միգրացիայի ոլորտում համագործակցության համաձայնագիրն առաջիկա շաբաթների ընթացքում, հաղորդում է Reuters-ը՝ հղում անելով Սուդանի ԱԳՆ-ին:
ԱՄՆ միջնորդության շնորհիվ Սուդանը դարձել է երրորդ արաբական երկիրը, որն կարգավորում է հարաբերություններն Իսրայելի հետ վերջին երկու ամսվա ընթացքում: Սակայն երկրի ազդեցիկ քաղաքական ուժերը մերժել են այդ համաձայնագիրը: Խարթումի որոշ պաշտոնական ներկայացուցիչների կարծիքով՝ համաձայնագիրը պետք է հաստատվի երկրի անցումային խորհրդարանի կողմից, որը դեռեւս պետք է ձեւավորվի Սուդանի նախագահ Օմար Բաշիրին տապալելուց հետո:
Սուդանի ԱԳՆ-ն հայտնել է, որ Սուդանի եւ Իսրայելի պատվիրակությունները կհանդիպեն առաջիկա շաբաթների ընթացքում գյուղատնտեսության, ավիացիայի, առեւտրի եւ միգրացիայի շուրջ բանակցությունների նպատակով: Ընդ որում՝ հանդիպման մյուս մանրամասների եւ հստակ ժամկետների մասին դեռեւս տեղեկություններ չկան:
Իսրայելում ապրում է ավելի քան 6000 սուդանցի, որոնց մեծ մասն անօրինական միգրանտներ են: Իսրայելի բոլոր նախորդ փորձերը նրանց հայրենիք վերադարձնելու ուղղությամբ ձախողվել են ռազմական գործողությունների եւ դատավարությունների հետեւանքով: