Միացյալ Նահանգները կկարողանան հեշտությամբ հասնել Լեռնային Ղարաբաղում հակամարության խաղաղ կարգավորմանը: Կիրակի այդ կարծիքն է հայտնել ԱՄՆ նախագահ Դոնալդ Թրամփը՝ Նյու Հեմփշիր նահանգում իր կողմնակիցների առջեւ ելույթ ունենալիս, հաղորդում է ՏԱՍՍ-ը:
Թրամփը պատմել է, որ Վաշինգտոնում աշխատում է Բաքվի եւ Երեւանի միջեւ խաղաղ կարգավորման շուրջ: «Մենք ամեն ինչ կարգի կբերենք: Դա պետք է տեղի ունենա, ինչպես ես նշում եմ, հեշտությամբ: Դա հեշտ կլինի, եթե գիտես՝ ինչ ես անում»,-ասել է Ամերիկայի առաջնորդը: «Մենք կլուծենք դա: Դա կինի… Ես անվանում եմ դա «թեթեւ դեպք»: Գնացեք եւ ասեք դա ձեր ժողովրդին: Հայաստան: Ինչո՞ւ ոչ»,-ՌԻԱ Նովոստի-ն մեջբերում է Թրամփի խոսքերը:
Նա պատմել է, որ շաբաթ Օհայո նահանգում իր ելույթի ժամանակ իր կողմնակիցների շրջանում նկատել է «հայերի հիանալի խումբ՝ դրոշներով»: «Ես անվանում եմ դա [ղարաբաղյան հակամարության կարգավորումը] հեշտ գործ: Վերադարձեք եւ պատմեք [դա] ձեր ժողովրդին,-ասել է նախագահը:-Հայաստան, դա հեշտ է»: «Նայեք Հայաստանին, հայերն անհավանական ժողովուրդ են, նրանք պայքարում են, ինչպես դժոխքում: Նրանց համար հեշտ չէ»,-հավելել է Ամերիկայի առաջնորդը: