Պատմությունը կարող է կրկնվել: Այս մասին Facebook-ի իր էջում գրել է պատմաբան, Ցեղասպանության թանգարան-ինստիտուտի նախկին ղեկավար Հայկ Դեմոյանը:

Նա, մասնավորապես, նշել է. «1919 թ․ Ադրբեջանի տարածքում գտնվող ռուս սպաներից մեկը գեներալ Դենիկինին ուղղված իր զեկույցում նշում է, որ թուրք սպաների կողմից իրականացվող տեղացի մահմեդականների բռնի զինվորագրումը մեծ ընդվզումների տեղիք է տվել։

Սպան գրում է․ «բնակչությունը հավաքագրումից փախչում է լեռներ ու անտառներ, նույնիսկ ապաստան է փնտրում հայերի մոտ...»

Մեջբերման սկզբնաղբյուրը՝ ГАРФ. Ф. 439. оп. 1. Д. 35. Л. 2., մեջբերված է Безугольный А. Ю. Генерал Бичерахов и его кавказская армия 1917-1919. М., Центрполиграф, 2011. С. 62»: