NASA-ն եւ Եվրոպական տիեզերական գործակալությունը (ԵՏԳ) Gateway մերձլուսնային կայանի ստեղծման գործում համագործակցության մասին համաձայնագիր են ստորագրել, գրում է «Ինտերֆաքսը»՝ հղում անելով ամերիկյան տիեզերական գործակալությանը:
«Երեքշաբթի օրը ստորագրված համաձայնագիրը նշանավորում է գործակալության առաջին պաշտոնական հանձնառությունը` Artemis առաքելությունների շրջանակում դեպի Լուսին միջազգային անձնակազմեր արձակելու մասին»,- նշել է NASA-ն:
ԵՏԳ-ն կստեղծի բնակելի եւ լիցքավորող մոդուլներ, ինչպես նաեւ կապ կապահովի կայանի եւ Լուսնի միջեւ:
Ավելին, ԵՏԳ-ն երկու եվրոպական սպասարկման մոդուլ կտրամադրի NASA-ի Orion անձնակազմով տիեզերանավի համար, որը կապահովի պարկուճը էներգիայով, ջրով եւ թթվածնով: