Թուրքիայի զինված ուժերը կարող են նոր օպերացիա իրականացնել Սիրիայում, եթե ահաբեկիչները չհեռանան Թուրքիայի սահմանից, հայտարարել է հանրապետության նախագահ Թայիփ Էրդողանը, փոխանցում է «ՌԻԱ Նովոստի»-ն:

«Սիրիայի կողմից սպառնալիքները մեր երկրի նկատմամբ շարունակվում են: Վերջերս ահաբեկիչներ վնասազերծվեցին, որոնք ահաբեկչություններ էին նախապատրաստում մեր տարածքում: Ակնհայտ է, որ Միացյալ Նահանգները փորձում են նոր պատերազմական գոտի ստեղծել սիրիաիրաքյան սահմանի երկայնքով ՝ նոր ողբերգությունների ազդանշան: Եթե ​​ահաբեկիչները չհեռանան մեր սահմաններից, մենք գործողությունների կանցնենք»,- ասել է Էրդողանը` դիմելով իշխող «Արդարություն եւ զարգացում» կուսակցության խորհրդարանական խմբակցությանը:

Նա հավելել է, որ Թուրքիայի զինված ուժերն ի վիճակի են «մաքրել Սիրիան բոլոր ահաբեկչական կազմակերպություններից»:

Թուրքիան 2016-2019 թվականներին երեք ռազմական օպերացիա իրականացրեց Սիրիայում` «Եփրատի վահան», «Ձիթենու ճյուղ» եւ «Խաղաղության աղբյուր» անվանումներով օպերացիաները:

​