ԱՄՆ նախագահի նախկին թեկնածու Հիլարի Քլինթոնը Ընտրիչների կոլեգիայի անդամ է դարձել, հայտնում է Gazeta-ն` վկայակոչելով SiriusXM-ը:
«Ես ընտրիչ եմ Նյու Յորքից: Համոզված եմ, որ կկարողանամ քվեարկել Ջո [Բայդենի] եւ Կամալա [Հարիսի] օգտին»,- ասել է Քլինթոնը:
ԱՄՆ-ում ընտրություններն անցկացվում են երկու փուլով: Առաջին փուլում երկրի յուրաքանչյուր նահանգում ընդհանուր քվեարկություն է անցկացվում, որից հետո հաղթողը ստանում է այդ նահանգի բոլոր ընտրողների ձայները: Նահանգների ընտրիչներից բաղկացած կոլեգիան ընտրողների կամքն ապրապնդում է ֆորմալ քվեարկությամբ:
2016-ին նախագահական ընտրություններում Հիլարի Քլինթոնը գրեթե 3 միլիոնով ավելի շատ ձայն էր հավաքել, քան նրա մրցակից Դոնալդ Թրամփը: Ընդ որում, հանրապետականների ներկայացուցիչը ավելի մեծ թվով ընտրիչների ձայ էր ստացել, ինչը նրան ԱՄՆ նախագահ դարձրեց:
ԱՄՆ նախագահի հաջորդ ընտրությունները տեղի կունենան նոյեմբերի 3-ին: Երկրի Դեմոկրատական կուսակցությունը կներկայացնի ԱՄՆ նախկին փոխնախագահ Ջո Բայդենը, իսկ հանրապետականների կողմից հանդես կգա պետության գործող ղեկավար Դոնալդ Թրամփը: