Հունաստանում Սամոս կղզում կես տարով արտակարգ դրության ռեժիմ է սահմանվել երկրաշարժի պատճառով, հաղորդում է «ՌԻԱ նովոստի»-ն:
ԱԴ ռեժիմի սահմանումն անհրաժեշտ է ուժգին երկրաշարժի հետեւանքները վերացնելու համար:
ԱԴ ռեժիմը կգործի մինչեւ 2021 թվականի ապրիլի 30-ը:
Ուժգին երկրաշարժ էր տեղի ունեցել ուրբաթ օրը Սամոս կղզում եւ թուրքական Իզմիր նահանգում: Հույն սեյսմոլոգները երկրաշարժի ուժգնությունը գնահատել են 6,9 մագնիտուդ:
Հունաստանում զոհվել է 2 դպրոցական, 19 մարդ վիրավոր է, մի քանի շենք է փլուզվել: Թուրքիայում զոհվել է 25 մարդ, ավելի քան 800-ը վիրավոր է: