Գերմանիայի պաշտպանության նախարարը չարդարացված է համարում Միջերկրական ծովում ԵՄ ռազմական առաքելության անունից թուրքական նավ գերմանացի զինվորների մուտքի դեմ Թուրքիայի բողոքը:
«Զինվորները իրենց ճիշտ են պահել եւ գործել են բացարձակապես եվրոպական «Իրինի» առաքելության մանդատին համապատասխան»,- ասել է նախարար Աննեգրետ Կրամպ-Կարենբաուերը: «Զինվորներին առաջադրված մեղադրանքներն անհիմն են»:
Թուրքիան բողոք է արտահայտել այն բանից հետո, երբ Լիբիային զենք մատակարարելու ՄԱԿ-ի էմբարգոն գործադրելու նպատակով ԵՄ առաքելության գերմանական ուժերը բարձրացել են նավի վրա եւ փորձել են խուզարկել թուրքական բեռնանավը, որը կասկածվում է Լիբիա զենքի անօրինական մատակարարման մեջ: