Արցախը` որպես բանակցային կողմ, պետք է ներգրավվի այս գործընթացում: Այս մասին Հայաստանի Ազգային ժողովում լրագրողների հետ զրույցում ասաց պետաիրավական հարցերի մշտական խորհրդարանական հանձնաժողովի նախագահ, իշխող «Իմ քայլը» դաշինքի պատգամավոր Վլադիմիր Վարդանյանը:
Նրա խոսքով` բանակցային գործընթացը պետք է շարունակվի ԵԱՀԿ Մինսկի խմբի շրջանակներում, եւ Ֆրանսիայի Սենատի բանաձեւը դրա վկայությունն է:
«Հայոց բանակը պաշտպանեց հայ ժողովրդի` Արցախում ապրելու իրավունքը»,- հավելեց Վարդանյանը:
Պատգամավորը նշեց, որ Ալիեւը մի մարդ է, ով կողմ է եղել, կողմ է եւ կողմ է լինելու պատերազմական հանցագործությունների իրականացմանը:
«Ինչ վերաբերում է պատերազմական հանցագործություններին, ապա բոլոր պատասխանատուները պատասխանատվության կենթարկվեն, եւ ես անձամբ կանեմ ամեն ինչ, որպեսզի դա տեղի ունենա», - եզրափակեց նա: