Լեռնային Ղարաբաղի հակամարտությանը Թուրքիայի մասնակցությունը «խնդրահարույց» է ՆԱՏՕ-ի շարքերում միասնությունը պահպանելու համար: Այս մասին The National-ի հետ զրույցում ՆԱՏՕ-ի արտաքին գործերի նախարարների գագաթաժողովի նախաշեմին հայտարարել է ՆԱՏՕ-ում ԱՄՆ-ի մշտական ներկայացուցիչ Քեյ Բեյլի Հաթչինսոնը:
Նրա խոսքով՝ Թուրքայի պահվածքը Հունաստանի եւ Կիպրոսի հետ Արեւելյան Միջերկրական ծովի վիճելի ջրերում, երկրի մասնակցությունը Լեռնային Ղարաբաղում Հայաստանի եւ Ադրբեջանի միջեւ զինված հակամարտությանը, ինչպես նաեւ Ռուսաստանից Ս-400 զենիթահրթիռային համալիրների գնումը «խնդրահարույց» են ՆԱՏՕ-ի շարքերում միասնությունը պահպանելու համար:
«Հատկապես մեզ մտահոգում է Ս-400-երի գնումը»,-հավելել է նա:
«Այն միտքը, որ դուք կարող եք մեր դաշինքի կենտրոնում տեղավորել ռուսական արտադրության հակաօդային պաշտպանության համակարգ, դուրս է շրջանակներից: Մենք բազմիցս ասել ենք այդ մասին Թուրքիային»,-նշել է Հաթչինսոնը: