Ցանկացած ներխուժում Լեռնային Ղարաբաղի տարածք կամ հարված ռուս խաղաղապահների ուղղությամբ կնշանակի Ռուսաստանի դեմ պատերազմ եւ կհանգեցնի Ադրբեջանի բանակի ոչնչացման 3-4 օրում, ինչպես դա տեղի ունեցավ Վրաստանի դեպքում: Այս մասին այսօր Մոսկվա-Երեւան տեսակամրջի ժամանակ հայտարարել է ՌԴ հրթիռահրետանային գիտությունների ակադեմիայի տեղեկատվական քաղաքականության գծով նախագահի տեղակալ, ռազմական գիտությունների դոկտեր Կոնստանտին Սիվկովը:
«Դա նշանակում է, որ Ռուսաստանի հետ դաշնակցային հարաբերություններ ունեցող Հայաստանի կամ Լեռնային Ղարաբաղի տարածք ներխուժումը բացառված է»,-ասել է նա: