Նարեկ Մալյանին ձերբակալելու որոշման դեմ պաշտպանի բողոքի քննության նիստը հետաձգվեց վաղն առավոտյան ժամը 11:00: Դատարանը կարիք ուներ ուսումնասիրելու քննիչի կողմից ներկայացված նյութերը: Այս մասին դատական նիստից հետո հայտնել է ՎԵՏՕ շարժման ղեկավար Նարեկ Մալյանի փաստաբան Տիգրան Աթանեսյանը:
«Ձերբակալությունն ապօրինի է, որի միակ պատճառ կարող էր լինել Նարեկ Մալյանի կողմից բեմադրված ֆուտուրիստական ներկայացումը խաթարելը»,-նշել է նա:
Հիշեցնենք, որ ավելի վաղ Աթանեսյանը տղեկացրել էր, որ Նարեկ Մալյանը ձերբակալվել է ՀՀ քրեական օրենսգրքի 226.2 հոդվածի 1-ին մասով Նիկոլաե Չաուշեսկուի նկարը տարածելու համար: