Բարձր տեխնոլոգիաների արդյունաբերության նախարար Հակոբ Արշակյանը բառացիորեն քիչ առաջ հարձակվեց ինձ վրա: Այս մասին Facebook-ի իր էջի ուղիղ եթերում հայտարարել է լրագրող Փայլակ Ֆահրադյանը:
«Դեպքը տեղի է ունեցել Երեւանում գործող սրճարաններից մեկում: Երբ ես տեսա, թե ինչպես է աշխատանքային իր ժամերն անցկացնում սրճարանում նախարարը, մոտեցել եմ եւ հարցրել եմ, թե ինչու է աշխատանքային ժամին որոշել անցկացնել սրճարանում: Արշակյանը նախ ասեց, որ գիշերային ժամերին է աշխատում, իր համար բոլոր ժամերն աշխտանքային են: Դրանից հետո խնդրեց անջատել տեսախցիկը, եւ երբ անջատեցի, վերջինս սկսեց ասել, որ ես կհիշեմ այս օրը: Նա սկսեց սպառնալ: Քանի որ տեսախիցիկը անջատված էր, ես ասացի՝ երբ ուզում ես, այդ ժամանակ էլ կարող ենք հիշել, եւ եթե նախարար ես, դա չի նշանակում, որ պետք է ինձ հետ այդ տոնով խոսես: Դրանից հետո ես բարձրցել եմ վերեւ եւ համակարգչով կատարում էի իմ աշխատանքը: Հակոբ Արշակյանը բարձրացավ վերեւ եւ հարձակվեց ինձ վրա«»,-ասաց լրագրողը:
Նա ցույց տվեց վնասված համակարգիչը եւ վնասված ձեռքը՝ նշելով. «Ահա տեսնում եք, որ ձեռքս է վնասվել: Բացի դրանից Արշակյանը հարվածեց իմ համակարգչին, որի հետեւանքով իմ համակարգիչը կոտրվել է, սեղանին դրված հեռախոսս նույնպես վնսվել է: Այստեղ կան տեսախցիկներ, ես պահանջելու եմ, որ սրճարանից հանվեն այդ տեսագրությունները, եւ ներկայացնելու եմ ոստիկանություն: Սա ընդունեք հաղորդում հանցագործության մասին»,-ընդգծեց Ֆահրադյանը: