ՀՀ երրորդ նախագահ, ՀՀԿ նախագահ Սերժ Սարգսյանն այսօր՝ մարտի 25-ին, ՀՀԿ նխկին նախագահ Անդրանիկ Մարգարյանի մահվան 12-րդ տարելիցի կապակցությամբ այցելել է Կոմիտասի անվան Պանթեոն, որտեղ հարգանքի տուրք է մատուցել նրա հիշատակին:
Սերժ Սարգսյանին ուղեկցում էին Անդրանիկ Մարգարյանի որդի Տարոն Մարգարյանը, ՀՀԿ փոխնախագահ Արմեն Աշոտյանը, Վահրամ Բաղդասարյանը, Հայկ Մամիջանյանը, Սամվել Նիկոյանը, Հովհաննես Սահակյանը, Էդուարդ Շարմազանովը, Գալուստ Սահակյանը եւ այլ ՀՀԿ-կաններ:
Նշենք, որ Անդրանիկ Մարգարյանը վարչապետ է եղել 2000 թվականից մինչեւ 2007 թվականը: Անդրանիկ Մարգարյանի մահվանից հետո վարչապետ է դարձել Սերժ Սարգսյանը:
