Եթե ես կարողանայի պատասխանել հարցին, թե ինչպես կարող է լուծվել խցանումների խնդիրը «Վերին Լարս» անցակետում, հոյակապ կլիներ: Այս մասին մարտի 26-ին լրագրողների հետ զրույցում ասաց հանրապետությունում Ռուսաստանի Դաշնության արտակարգ եւ լիազոր դեսպան Սերգեյ Կոպիրկինը:
Դա, ըստ նրա, հեշտ հարց չէ, քանի որ այն պարբերաբար առաջանում է:
«Բայց կարծում եմ, որ խնդրի լուծման ուղիներից մեկն աշխատանքն է, որն այժմ իրականացվում է տարածաշրջանում հաղորդակցությունների բացման եռակողմ աշխատանքային խմբի շրջանակներում»,- ասաց Կոպիրկինը:
Նշենք, որ Հայաստանից Ռուսաստան միակ ցամաքային ուղին անցնում է Ստեփանծմինդա-Լարս մայրուղու վրա գտնվող «Վերին Լարս» անցակետով: Եղանակային պայմանների (ձյան տեղումներ, սողանքներ) պատճառով մայրուղին պարբերաբար փակվում է, ինչը տրանսպորտային միջոցների կուտակում է առաջացնում:
Տարածաշրջանում հաղորդակցությունների բացում ասելով՝ դեսպանը նկատի ունի կապերը Հայաստանի եւ Ադրբեջանի միջեւ: