Գերմանիայի արտաքին գործերի նախարար Հայքո Մաասը կառուցողական է որակել ընթացիկ շաբաթ Վիեննայում տեղի ունեցած իրանական միջուկային ծրագրի շուրջ բանակցությունները: Այս մասին նա հայտարարել է շաբաթ օրը Redaktionsnetzwerk Deutschland խմբագրական ասոցիացիային տված հարցազրույցում:

«Մենք անցանք Վիեննայում կառուցողական բանակցությունների առաջին շաբաթը: Բոլոր կողմերը ցույց տվեցին իրենց պատրաստակամությունը՝ անհրաժեշտ լրջությամբ աշխատել նույն նպատակին՝ Իրանի հետ ատոմային համաձայնագրի լիարժեք իրականացմանը հասնելու համար,- ասաց Մաասը:- Դա հեշտ չի լինի: Մենք միայն ինտենսիվ բանակցությունների սկզբում ենք»,- շեշտել է գերմանացի նախարարը:

Ապրիլի 6-9-ը Վիեննայում տեղի ունեցան Իրանի միջուկային գործարքի վերաբերյալ Իրանի Միացյալ հանձնաժողովի եւ միջազգային «հնգյակի» (Գերմանիա, Ֆրանսիա, Մեծ Բրիտանիա, Չինաստան, Ռուսաստան) Միավորված հանձնաժողովի անդամների հանդիպումները: Ընդ որում, ԱՄՆ-ի, որոնք նախկինում դուրս էին եկել համաձայնագրից, սակայն իրենց ներկայացուցիչներին ուղարկել էին Վիեննա, եւ Իրանի միջեւ ուղիղ շփումներ չկային. դրանց դեմ էին հանդես գալիսիրանական կողմի ներկայացուցիչները:

Բանակցությունները կշարունակվեն հաջորդ շաբաթ, փոխանցում է ՏԱՍՍ-ը: