Ֆինլանդիայի Տուրկու եւ Հելսինկի քաղաքների բնակիչների շրջանում զանգվածային մահեր են գրանցվում անհայտ թմրանյութի պատճառով, գրում է Լենտա.ռու-ն:

Ֆինլանդիայի հարավ-արեւմուտքում ոստիկանությունը հաղորդել է թմրանյութերից մահվան հինգ դեպքերի մասին Տուրկու քաղաքում ապրիլի ընթացքում երիտասարդների շրջանում: Yle պարբերականը հաղորդում է տասը զոհերի մասին: Turun Sanomat ֆիննական թերթի տվյալներով՝ թունավոր նյութերը սպանել են շուրջ 50 մարդու Հելսինկիում:

A-Clinic հիմնադրամը նախազգուշացրել է սեւ շուկայում վաճառվող թմրանյութերի մասին, որոնք, ըստ ամենայնի, կյանքի համար վտանգ են ներկայացնում: Մասնագետները հայտնաբերել են դրանցում ֆենտանիլ, օփիոիդային անալգետիկ, որը կիրառվում է անեսթեզիոլոգիայում: